انتبه من فضلك ! بقلم الكابتن علي غيط نجم الاسماعيلي السابق 

0 106

انتبه من فضلك ! بقلم الكابتن علي غيط نجم الاسماعيلي السابق

هناك جدل كبير فى الشارع الاسماعيلى مع اقتراب موعد الانتخابات وارى صراعات والذج باسمى فى بعضها بدون سند او حقيقه او اثبات
… اود ان اوضح للجميع
انا مايهمنيش منصب ولا مكان
ولا يهمنى تواجدى من الاصل بالنادى الاسماعيلى
ولكن كل ما يهمنى هو النادى الاسماعيلى صاحب الفضل على الجميع نعم الجميع …..
وخيره عليا انا من ساسى لراسى
مثلت منتخب بلدى من خلاله والناس عرفتنى منه حتى دخولى كليه الشرطه كان بخطاب اننى لاعب بالنادى الاسماعيلى يحمل توقيع الراحل اللواء حسن رشدى سكرتير عام النادى فى هذا الوقت
وهذا شرف لى … وانتمائى لبلدى وللنادى
لا يقدر ولا يساوم ولا يعلم مقداره اى انسان
اعتز بنفسى وبحبى للناس وحبهم لى ..
لا اجيد فن التلون .. ولست من ماسحى الجوخ
بقول للاعمى انت اعمى فى عينه ..
محدش كاسر عينى … مليش مصلحه مع حد ولا عند حد غير مصلحه بلدى والاسماعيلى …
وماببعش نفسى لحد ولا احب المؤامرات
ومش هغير مبادئ من اجل احد ولا لشئ
يكفينى ارضاء ضميرى امام الله
وصدقى امام الله مع نفسى
بقول الكلمتين دول علشان الرقاصين واصحاب المصالح واللاعبين على كل الحبال والمطبلاتيه واصحاب السبوبه والمتغيرون والمنقلبون يفهموا انى كاشفهم كلهم
وعارفهم واحد واحد ولانى ماليش مصلحه ولا انا عبده مشتاق مش هغمض عينى عنهم علشان مصلحتى تمشى او انول الرضا …. وعارف وواثق ان ثقيل على قلبكم وقلب بعض اللى مشغلينكم وبعض اصحاب القرار بس عاجب نفسى وراضى وقانع وعارف ان فى محترمين بيحبونى وسأظل على مبدئى
لا اسعى لمنصب ولا احب الجرى وراء الكراسى … ووقت مايشاء الله ويكتبه لى سيأتى هو لى ….
غير ذلك هفضل مشجع من الدرجه الثالثه لن اتغير فهمتو ياااااااااا ولا لسه
يارب تفهمو وتسبونى فى حالى اعيش حياتى كيفما اشاء واشكر ربنا على نعمه التى لاتعد وتحصى التى اكرمنى بها

بنك مصر مقالات
اترك رد

لن يتم نشر عنوان بريدك الإلكتروني.