غريب امري.. شعر محمد رضوان 

0 7

غريب امري

شعر محمد رضوان
انا اللى الدنيا واخدانى ورميانى فى ساحات لهوى وكل ما اقول خلاص توبه ودى النوبه ودى النوبه
بترمينى فى ساعات سهوى
وانسى يارب تكاليفك
وانا الساجد بوجدانى لتصاريفك
فتوب يارب على قلبى
وقوينى على الدنيا
شيطانى كتير بيلعبى
وعارف انها فانيه
أنا واقف على بابك
ياريت يارب تقبلنى
من التايبين
يارب آمين
غريب امرى
تاخدنى الدنيا واتمرمغ
فى اوحالها
واشرب من كاسات لهوى
وهي تدق خلالخيلها وترقص لى كما خيلها
اشوف نفسى خيالها
وابوها وعمها وخالها
واتاريها بتجذبنى
لقاع الوحل والخيبه
والاقي نفسي مسحوبه
مع الشياطين
وطين الهم مالينى
وناسى فطرتي وديني
فجأه تعدى نسمة خير فتجذبنى
بسهم الرحمه والايمان
وبتصيبنى
ابص لنفسي واستغفر
واطهر روحي واسجدله واقول توبه يارب الدنيا والاخره
لانك رحمة الأكوان
وعارف علة الانسان
ضعيف وعجول ومهما ااقول
يارب انت اللى خالقنى
وعارف انى مش كافر
لكن سافر جمال الدنيا وزينتها وفتنتها بتاذينا
يارب الدنيا والزينه
بنظرة رحمه تهدينا
ورسينا على برك
وقربنا من الصالحين
عشان يمكن بصحبتهم
ننول برك
ونصبح فى رضاك عايشين يارب آمين

بنك مصر مقالات
اترك رد

لن يتم نشر عنوان بريدك الإلكتروني.