موجة شديدة الحرارة رطبة قاسية لاهبة مستمرة لاواخر الشهر وهي الاولى بالشكل ده في فصل الصيف

ايه سبب الموجة ديه والحر الشديد ده؟ وهل في بوادر لانخفاض درجات الحرارة واعتدال الاجواء؟

منخفض الهند الموسمي يا صديقي حاليا هو في اقوى نشاط له وفي نفس الوقت في منخفضات سطحية حرارية من الحين للاخر بتأثر علينا وده بالتزامن مع وجود مرتفع مداري علوي قوي في الطبقة 500 وبالتالي للاسف هنتأثر بالقبة الحرارية ومعنى كده ان الاجواء شديدة الحرارة نهارا وحارة ليلا هتكون حاضرة على كافة انحاء مصر ما عدا السواحل الشمالية اللي درجات الحرارة لطيفة فيها عن باقي المناطق

القبة الحرارية لو متعرفش فهي بتزود من حدة الاجواء الحارة لانها بتمنع صعود الهواء الساخن لاعلى ونزول الهواء البارد في عملية حرارية تبادلية بين الطبقات السطحية والطبقات العلوية للغلاف الجوي وبالتالي من هنا بتزيد حدة حرارة الكتلة الهوائية الحارة اللي بتأثر علينا