الهدف اللي سجله محمد صلاح في نيوزيلندا نزل علينا زي الصاعقة .. حرفياً أفسد علينا الليلة وأفقدنا الأمل !!
كنا قاعدين طول الماتش مستنين دقيقة بدقيقة إن المنتخب يتغلب أو علي الاقل يتعادل عشان نطلع البوستات الجاهزة ونقول أهو فشل جديد وتقعد تشتم شوية حلوين في صلاح اللي مقدمش حاجة للمنتخب ونثبت للناس إن البلد دي مفيش فيها حاجة صح ولازم كل حاجة تقع لكن كالعادة صلاح جه في ثانية واحدة وبوظ الخطة وفرح ملايين المصريين اللي كنا عايزينهم يناموا مقهورين !!
الكلام اللي فوق ده حرفيا هو لسان حال جماعة الإخوان وكل حد كاره لمصر .. النا،س دي مشكلتها مش مع كورة دخلت الشباك .. ولا تقييم فني لماتش كورة .. مشكلتهم الحقيقية إنهم أصلا مبيعترفوش بحاجة اسمها وطن وشايفين إن حدود بلدنا دي مجرد حفنة تراب عفن ملهاش قيمة .. لأنهم ببساطة مش مصريين في ولائهم ولا في تفكيرهم وانتمائهم الأول والأخير للتنظيم مش للأرض اللي اتولدوا عليها !!
الغل والكره ده بيظهر بوضوح في المقارنة المريضة اللي بيعقدوها دايما بين محمد صلاح وبين رمزهم المفضل أبو بوفتيكة اللي بيحاولوا طول الوقت يقدسوه ويرفعوه لمرتبة الانبياء والرسل لأنه صورة مثالية للاعب الموجه اللي بيخدم أجندتهم السياسية في حين إنهم بيكرهوا صلاح كراهية شديدة لأنه رفض يكون أداة في إيديهم وقفل باب السياسة والاستقطاب في وشهم من أول يوم، واختار إنه يكون مصري وولاءه لمصر فقط وهو ده اللي بيجننهم !!
وزيادة في قهرهم الهدف ده مش مجرد جول كسبنا بيه ماتش ده الهدف اللي خلى صلاح رسميا الهداف التاريخي لمصر في كأس العالم وبالفوز ده مصر حققت أول انتصار في تاريخها بالمونديال !!
يعني صلاح مش بس فرح الناس ده كتب تاريخ جديد للمنتخب ورفع اسم مصر في أكبر محفل رياضي عالمي وده اللي هيخليهم يمو،توا بغيظهم ..
لما افضل لاعب في افريقيا وثالث افضل لاعب في العالم يكون مصري ويرفع علم بلده ويحقق إنجازات تاريخية غير مسبوقة ويشارك بكل قوة في الحملات والمبادرات الوطنية زي تبرعاته لصندوق تحيا مصر ومشاركته في حملة أنت أقوى من المخدرات ودعمه لمشروعات حياة كريمة وأهالي قريته هو كده بيكسر وبيهد كل روايات الإحباط والانهيار اللي بيحاولوا يصدروها للناس ليل نهار عشان يوقعوا البلد !!
فالتربص بصلاح وبحياته وتصريحاته وحتى بصور الكريسماس بتاعته مش غيرة علي الدين ولا حتي ليها علاقة بالكورة .. ده غل سياسي وتفتيش في النوايا لمحاولة إسقاط أي رمز ناجح بيلتف حواليه المصريين .. لأن أي نجاح يحققه مصري برة أو جوه حاجة بتضايقهم وتحزنهم لأن مشروعهم الاخواني قائم على الخراب والدما،ر والارها،ب وفي النهاية بيفضل صلاح في الملعب بيمثل بلد بحالها وبتفضل بصمته رسالة نجاح حقيقية بتكشف الاخوان وبتعري خيانتهم لبلدهم وبأنهم وارتضوا يكونوا مجرد أدوات !!
#مصر_ونيوزلندا
#جون_شنودة_عز
