تصريحات حسام حسن في المؤتمر الصحفي قبيل مباراة الارجنتينصحفية من تركيا في المؤتمر الصحفي قبل مباراة مصر والأرجنتين
تصريحات حسام حسن في المؤتمر الصحفي قبيل مباراة الارجنتينصحفية من تركيا في المؤتمر الصحفي قبل مباراة مصر والأرجنتين
– رأيناك ترفع العلم الفلسطيني بعد مباراة مصر وأستراليا ما هو شعورك وهل ستكرر الأمر بعد لقاء الأرجنتين؟
حسام حسن المدير الفني لمنتخب مصر في المؤتمر الصحفي قبل مباراة الأرجنتين
• برحب بيكي والشعب التركي كله .. كل واحد ليه مشاعر واحاسيس
• لكن لو في حد في العالم محسش بالشعب الفلسطيني يبقى مش بني ادم ميبقاش بني ادم .. ايا كان بقى ده عربي او أوروبي أو غيره
• حتى الشعوب في أوروبا و أمريكا بتهتم بحقوق الحيوانات لو حد تعرض ليهم
• ما بالك بحقوق البني ادم وهما بيتعرضوا للتعدي كل يوم أطفال وستات
• احنا شعوب قاعدين في بيوت مكيفة ومعانا الاكل والشرب وفي شعب قاعد في الشوارع ومفيش اكل وشرب ولا مكان يسكن فيه وبيتعرض للدمار
• إحنا لو محسناش باللي بيحصل في فلسطين يبقى الشخص ده مش بني ادم ومينفعش يعيش.. مسلم مسيحي اي ديانه أو أي جنسية .. الموضوع ملوش علاقة بالجنسية
• عايز اي حد بيتكلم اقوله فكر تجرب بس تعيش يوم واحد في الشارع مفيش اكل مفيش شرب وفي البرد مش لاقي حاجه تدفي نفسك وفي الصيف مش لاقي حاجه تهوي عليك
• عار علينا كلنا وعلى العالم كله أنه سايب الشعب الفلسطيني عايش كده والشعوب كلها قاعدة مرتاحه حوالية
• أنا إنسان قبل أكون عربي أو مصري والموضوع لا ليه علاقة بالديانه أو الجنسية.. هو موضوع ليه علاقة بالإنسانية
• احنا من خلال كرة القدم بنبعت رسالة للعالم كله .. ارجوكم خلوا الشعب الفلسطيني يعيش بعد اذنكم خلوهم يعيشوا
